མཁན་པོ་བསྟན་པ་ཚེ་རིང་། Khenpo Tenpa Tshering
གསུང་བཤད་པའི་རྣམ་ཐར་སྙིང་བསྡུས། Brief Speaker Profile
ཁམས་གོ་འཇོ་ཨ་ལོ་གྲོང་དུ་འཁྲུངས་ཤིང་། ཆུང་ངུའི་དུས་ནས་རབ་ཏུ་བྱུང་སྟེ་རྒོད་མགོ་དགོན་དུ་འདོན་ཆོག་སོགས་ལ་སྦྱང་བརྩོན་གནང་། སྤྱི་ལོ་ ༢༠༠༤ ་ལོར་བོད་ནས་བལ་ཡུལ་བརྒྱུད་རྒྱ་གར་ལྷོ་ཕྱོགས་སུ་འབྱོར་ཏེ་ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་དུ་སུམ་རྟགས་དག་གསུམ་སོགས་ལ་འབད་འབུངས་མཛད། སྤྱི་ལོ་ ༢༠༠༥ ་ནས་སྔ་འགྱུར་མཐོ་སློབ་ཆེན་མོར་འཛུལ་ཞུགས་གནང་སྟེ་ཐེག་པ་རིམ་འཛེགས་ཀྱིས་མདོ་སྔགས་རིག་གནས་དང་བཅས་པར་སྦྱང་བརྩོན་ལྷོད་མེད་ཀྱི་འཛིམ་རིམ་བརྒྱད་པ་ནས་སྐྱོར་དཔོན་དང་དབྱར་བདག་སོགས་ཀྱི་ལས་འགན་ཞུས་ཤིང་སྤྱི་ལོ་ ༢༠༡༥ ་ལོར་སློབ་མཐར་སོན། དེ་ནས་ཕྱི་ལོ་ ༢༠༢༢ ་བར་ལོ་ངོ་ཧྲིལ་པོ་བརྒྱད་ཀྱི་རིང་མཐོ་སློབ་ཆེན་མོར་དགེ་རྒན་གྱི་ལས་འཁུར་བཞེས་ཏེ་གཞུང་ཆེན་ཁག་དཔེ་ཁྲིད་ཀྱིས་ཞབས་ཞུ་སྒྲུབ་བཞིན་མཐོ་སློབ་ཆེན་མོའི་རྒྱུན་ལས་ནང་དངུལ་གཉེར་རྒན་གཞོན་གྱི་ལས་འགན་ལོ་གཉིས་བསྣམས། ཕྱི་ལོ་ ༢༠༢༣ ་ལོར་ཤར་རྒྱལ་བ་དཔལ་ཡུལ་བའི་བསྟན་པའི་མངའ་བདག་ ༧ སྐྱབས་རྗེ་ཀརྨ་སྐུ་ཆེན་རིན་པོ་ཆེ་མཆོག་ནས་མཁན་ཐོག་བརྒྱད་པ་མངའ་གསོལ་མཛད་སྒོའི་སྐབས་མཁན་པོའི་མཚན་གནས་བཞེས་ཐོག རྣམ་གླིང་བཙུན་དགོན་གྱི་བཤད་གྲྭར་དཔེ་ཁྲིད་གནང་བཞིན་པ་ལགས།།
