མཁན་པོ་ཚུལ་ཁྲིམས་ནོར་བུ། Lopen Tsultrim Norbu
གསུང་བཤད་པའི་རྣམ་ཐར་སྙིང་བསྡུས། Brief Speaker Profile
བོད་མདོ་ཁམས་གསེར་རྟ་རུ་སྤྱི་ལོ་ ༡༩༨༤ ་ལ་འཁྲུངས། དགུང་ལོ་ ༩ ་ལ་བོད་ཡིག་སློབ་འགོ་ཚུགས། བཅོ་ལྔ་ཡས་མས་ནས་འཇམ་དབྱངས་གླིང་ཞེས་རིག་གནས་སྦྱོང་ས་ཞིག་ལ་ཆེད་ཞུགས་ཀྱིས་ལོ་ངོ་གསུམ་ཙམ་བཞུགས། སྤྱི་ལོ་ ༢༠༠༥ ་ལོར་ ༸ གོང་ས་མཆོག་དང་གྲུབ་དབང་པད་ནོར་རིན་པོའི་ཆེའི་ཞལ་མཇལ་ཏེ། ༢༠༠༦ ་ལ་སྔ་འགྱུར་མཐོ་སློབ་མདོ་སྔགས་རིག་པའི་གླིང་ལ་འཛུལ་ཞུགས་ཀྱིས་ ༢༠༡༥ ་ལ་སློབ་མཐར་ཕྱིན། ༢༠༡༥ ནས་ ༢༠༡༩ ་བར་སྔ་འགྱུར་མཐོ་སློབ་ཆེན་མོ་དང་། སེར་སྨད་ཐོས་བསམ་སློབ་གྲྭ། གཞི་ཆེན་བཻ་རོ་གླིང་བཅས་ལ་ལོ་ངོ་ལྔའི་རིང་དགེ་རྒན་གནང་། ༢༠༢༠ ་ལོར་སྔ་འགྱུར་རྙིང་མའི་ཞིབ་འཇུག་ལྟེ་གནས་ཁང་ལ་འཛུལ་ཞུགས་ཀྱིས་ད་ལྟའི་ཆར་ཐུན་མོང་གི་བརྗོད་གཞི་ “སྡོམ་པ་ཉི་ཤུ་པ་” རྩ་འགྲེལ་གཉིས་དང་། སྒེར་གྱི་བརྗོད་གཞི་ “གསང་སྔགས་བཀའི་ཐ་རམ་” བཅས་ཀྱི་ཐོག་ཞིབ་འཇུག་གི་ཕྱག་ལས་གནང་བཞིན་པ་དང་། ༢༠༢༣ ་སྤྱི་ཟླ་ ༤ ་པའི་ནང་རྒྱལ་བ་དཔལ་ཡུལ་བའི་བསྟན་བདག་གདན་རབས་བཅུ་གཉིས་པ་༸ སྐྱབས་རྗེ་ཀརྨ་སྐུ་ཆེན་རིན་པོ་ཆེའི་མདུན་མཁན་པོའི་མཚན་གནས་ཐོབ། “གཞོན་པའི་ལང་ཚོ་” ཞེས་པའི་སྙན་དེབ་གཅིག་དང་། དུས་དེབ་དང་དྲྭ་ལམ་འདྲ་མིན་བརྒྱུད་སྙན་རྩོམ་དང་། དཔྱད་རྩོམ། འབོལ་རྩོམ་སོགས་རྩོམ་ཡིག་ཁག་མ་འདྲ་བ་དུ་མ་ཞིག་སྤེལ་མྱོང་།།
གཏམ་བཤད་བཅུད་དོན། Abstract
དཔྱད་རྩོམ་ཕབ་ཞུས་/Download Paper
